by Pushpa-2 : దేశవ్యాప్తంగా సంచలనం సృష్టించిన పుష్ప.. ఇప్పుడు పార్ట్-2తో మరోసారి బాక్సాఫీస్ పై దండయాత్ర చేయడానికి సిద్ధమవుతున్నది. ఇప్పటికే ఈ సినిమా ప్రీ రిలీజ్ బిజినెస్ దాదాపు వెయ్యికోట్లు దాటిందని బాలీవుడ్ ట్రేడ్ పండితులు చెబుతున్నారు. ఇక విడుదలయ్యాక ఇంకెన్ని సంచలనాలు సృష్టిస్తుందో చూడాల్సిందే.
పుష్ప-2 నుంచి ఇప్పటికే రిలీజైన పాటలు, ట్రైలర్లు సోషల్ మీడియాలో ట్రెండింగ్ లో ఉన్నాయి. ఇక సుకుమార్ సినిమా అనగానే కచ్చితంగా ఓ ఐటెం సాంగ్ ఉంటుందనే విషయం అందరికీ తెలిసిందే. పుష్ప మొదటి భాగంలో ఊ అంటావా మావ పాటతో దేశ వ్యాప్తంగా సంచలనం సృష్టించింది. ఇక పార్ట్-2లో ఆ ఐటెం గర్ల్ ఎవరనే చర్చ జరుగుతున్నది. నిన్నటి దాకా పలానా హీరోయిన్ అంటూ గాసిప్స్ వచ్చిన విషయం తెలిసిందే. పలువురు బాలీవుడ్ హీరోయిన్ల పేర్లు పరిశీలనలోకి వచ్చినా అవి అక్కడితోనే ఆగిపోయాయి. ఇటీవల బాలీవుడ్ లో దుమ్ము రేపుతున్న శ్రద్ధా కపూర్ పుష్ప-2లో ఐటెం సాంగ్ కి ఓకే చెప్పినా రెమ్యూనరేషన్ మాత్రం ఐదు కోట్లకు పైగా డిమాండ్ చేసిందట. దీంతో మేకర్స్ టాలీవుడ్ టాప్ హీరోయిన్ ను సంప్రదించినట్లు తెలిసింది.
ఎట్టకేలకు శ్రీలీల ఫైనల్
టాలీవుడ్ డ్యాన్సింగ్ సంచలనం హీరోయిన్ శ్రీలీల ఐటెం సాంగ్ చేసేందుకు ఒప్పుకుందని సమాచారం. అయితే ఇటీవల పెద్ద సినిమాలను రిజెక్ట్ చేసిన శ్రీలీల బన్నీతో ఐటెం సాంగ్ కు ఒప్పుకోవడం విశేషం. గోట్ సినిమాలో ఐటెం సాంగ్ చేయించాలని దళపతి విజయ్ ఆఫర్ ఇవ్వగా, సున్నితంగా తిరస్కరించింది. ఇక రామ్ చరణ్ హీరోగా బుచ్చిబాబు సానా దర్శకత్వంలో తెరకెక్కతున్న చిత్రంలో హీరోయిన్ గా ముందుగా శ్రీలీలను యూనిట్ సంప్రదించగా రిజెక్ట్ చేసిందట. గుంటూరు కారం తర్వాత మరో సినిమా ఒప్పుకోని శ్రీలీల ఇటీవల రవితేజతో నటించేందుకు ఒప్పుకొని షాకిచ్చింది.ఇప్పుడు బన్నీతో పుష్ప-2లో ఆడిపాడేందుకు గ్రీన్ సిగ్నల్ ఇచ్చేసింది. బన్నీతో సరితూగాలంటే శ్రీలీలనే కరెక్ట్ అని యూనిట్ తో పాటు అల్లు అర్జున్ ఫ్యాన్స్ పేర్కొంటున్నారు.
